കടമറ്റം പള്ളിയുടെ ചരിത്രം
ക്രിസ്തുമതം പ്രചരിപ്പിക്കുന്നതിനായി A.D.നാലാം നൂറ്റാണ്ടിൽ ഇറാക്കിലെ നിനവേ (പേർഷ്യ)യിൽ നിന്ന് മാർ ആബോ എന്ന മെത്രാപ്പോലീത്ത സ്ഥാനമുള്ള പിതാവ് ഭാരതത്തില്‍ എത്തിചേർന്നു. ക്രിസ്തുമത വിശ്വാസം അറിയിക്കുന്നതിനായി അനേക ദേശങ്ങളിൽ സഞ്ചരിച്ചു എങ്കിലും അക്കാലത്തെ ജാതിമത വ്യവസ്ഥകളുടെ കാഠിന്യം മൂലം കാര്യമായി ഒന്നും തന്നെ പ്രവർത്തിക്കുവാൻ പിതാവിനു കഴിഞ്ഞില്ല. പിതാവിന്‍റെ സഞ്ചാരപഥത്തിൽ ഒരു ദിവസം വൈകുന്നേരം കടമറ്റം എന്ന ദേശത്ത് എത്തിച്ചേർന്നു. ദൂരയാത്രചെയ്ത് ക്ഷീണിതനായ പിതാവ് വിശപ്പടക്കുന്നതിനും രാത്രി കഴിച്ചുകൂട്ടുന്നതിനുമായി വൃദ്ധയായ ഒരു വിധവയുടെ ചെറ്റക്കുടിലിൽ കയറിച്ചെന്നു. ആ കുടിലിൽ അമ്മയും ഒരു മകനും മാത്രമേ ഉണ്ടായിരുന്നുള്ളു. വ്യത്യസ്ഥമായ വേഷഭൂഷാദികളും ഭാഷയുമുള്ള പിതാവിനെ അവർ സ്നേഹത്തോടെ സ്വീകരിച്ചുവെങ്കിലും ദിവസങ്ങളായി പട്ടിണിയിലായിരുന്ന ആ അമ്മയ്ക്കും മകനും മാർ ആബോ പിതാവിന് ഒന്നും നൽകാൻ കഴിഞ്ഞില്ല. കാര്യം മനസ്സിലാക്കിയ പിതാവ് വൃദ്ധയായ ആ സ്ത്രീയോട് അടുപ്പിൽ തീ കത്തിച്ചു കഞ്ഞിക്ക് വെള്ളം വയ്ക്കുവാൻ ആവശ്യപ്പെട്ടു. വെള്ളം തിളച്ചപ്പോൾ കാലിയായ അരിവട്ടിയിൽ നിന്ന് ഒരു അരിമണിയെടുത്ത് പ്രാർത്ഥിച്ച് മാര്‍ ആബോ പിതാവ് കലത്തിൽ ഇട്ടു. നിമിഷങ്ങൾക്കകം പാത്രത്തിൽ നിറയെ ചോറു തിളച്ചുമറിഞ്ഞു. വളരെ സന്തോഷത്തോടെ വയര്‍ നിറയെ ഭക്ഷണം കഴിച്ച ആ അമ്മയും മകനും തങ്ങളുടെ കുടിലിൽ എത്തിയിരിക്കുന്നത് ഒരു ദിവ്യനാണെന്ന സത്യം മനസ്സിലാക്കി.
അന്ന് നാട് ഭരിച്ചിരുന്ന 'ആയക്കുന്നത്ത് കർത്താവിന്‍റെ' ഏക മകൾ പൈശാചികബാധ മൂലം കഠിനമായ ചിത്തഭ്രമത്താൽ ചങ്ങലകളാൽ തളയ്ക്കപ്പെട്ട അവസ്ഥയിൽ കഴിയുകയായിരുന്നു. വൈദ്യന്മാരുടെയും മന്ത്രവാദികളുടെയും ചികിത്സകളൊന്നും ഫലിച്ചിരുന്നില്ല. തന്‍റെ കുടിലില്‍ എത്തിയിരിക്കുന്നത് ഒരു ദിവ്യനാണെന്ന് മനസ്സിലാക്കിയ ആ വൃദ്ധവിധവ തന്‍റെ യജമാനന്‍റെ മകളുടെ അസുഖത്തെക്കുറിച്ച് മാര്‍ ആബോ പിതാവിനോട് സംസാരിച്ചു. പിറ്റെ ദിവസം രാവിലെ തന്നെ പിതാവിനെ നാടുവാഴിയായ ആയക്കുന്നത്ത് കര്‍ത്താവിന്‍റെ അടുക്കല്‍ കൂട്ടിക്കോണ്ടുപോയി. മാര്‍ ആബോ പിതാവിന്‍റെ പ്രാര്‍ത്ഥനാശക്തിയാല്‍ നാടുവാഴിയുടെ മകളുടെ ചിത്തഭ്രമം പൂര്‍ണ്ണമായും സുഖപ്പെടുകയും നാടുവാഴിയും കുടുംബവും ക്രിസ്തുമതം സ്വീകരിക്കുകയും ചെയ്തു. മകളുടെ അസുഖം മാറിയതില്‍ സന്തുഷ്ടനായ നാടുവാഴി, മാര്‍ ആബോ പിതാവിന്‍റെ ഇംഗിതം മനസ്സിലാക്കി പരിശുദ്ധ കന്യകമറിയാം അമ്മയുടെ നാമധേയത്തില്‍ ഒരു പള്ളി നിര്‍മ്മിച്ച് പാരിതോഷികമായി നല്‍കി. അ‍ങ്ങനെ മാര്‍ ആബോ പിതാവിനാല്‍ സ്ഥാപിതമായതാണ് ഇന്നത്തെ കടമറ്റം വലിയ പള്ളി. പിതാവിന്‍റെ പ്രാര്‍ത്ഥനാശക്തിയാല്‍ ധാരാളം അത്ഭുതങ്ങള്‍ നടക്കുന്നു എന്ന് മനസ്സിലാക്കിയ അനേകര്‍ ക്രിസ്തുമതം സ്വീകരിച്ചു. നാടുവാഴി പിതാവിനു ധാരാളം പശുനാല്‍ക്കാലി സമ്പത്തും സഹായിയായി വിധവയുടെ മകനേയും നല്‍കി. വിധവയുടെ മകന്‍ ക്രിസ്തുമതം സ്വീകരിച്ച് പൗലോസ് എന്ന ശെമ്മാശനായി.
ഒരു ദിവസം പശുക്കളെ മേയ്ക്കാനായി കാട്ടില്‍ പോയ പൗലോസ് ശെമ്മാശൻ ഉള്‍വനത്തിലെ നരഭോജികളായ ഗുഹാവാസികളാല്‍ പിടിക്കപ്പെട്ടു. കാട്ടില്‍ നിന്ന് പിടിക്കപ്പെട്ട് ഗുഹയില്‍ എത്തിക്കുന്ന എന്തിനേയും ഗുഹാവാസികള്‍ കാട്ടുമൂപ്പൻറെ അനുവാദത്തോടെ കൊന്നുപങ്കിട്ട് ഭക്ഷിക്കുകയാണ് പതിവ്. ഗുഹാവാസികള്‍ തന്നെ കൊല്ലുമെന്ന് മനസ്സിലാക്കിയ ശെമ്മാശൻ ദൈവത്തോട് കഠിനമായി പ്രാര്‍ത്ഥിച്ചു. മനസ്സലിവുതോന്നിയ മൂപ്പൻ ശെമ്മാശനെ കൊല്ലുവാൻ അനുവദിക്കാതെ അവരില്‍ ഒരാളായി ചേര്‍ത്തു. വിശ്വസ്തനും സത്യസന്ധനുമാണെന്ന് മനസ്സിലാക്കിയ മൂപ്പൻ ശെമ്മാശനെ തൻറെ അനന്തരാവകാശിയാക്കുവാൻ ആഗ്രഹിച്ചു. ഗുഹവാസികളുടെ മൂപ്പനാകേണ്ടവൻ അറിഞ്ഞിരിക്കേണ്ടതായ മന്ത്രവാദവും ഇന്ദ്രജാലവും മഹേന്ദ്രജാലവും എല്ലാം വിശദമായി മൂപ്പനില്‍ നിന്നും ശെമ്മാശൻ അഭ്യസിച്ചു. തൻറെ മകളെ വിവാഹം ചെയ്ത് അനന്തരാവകാശി ആക്കണം എന്ന മൂപ്പൻറെ ആഗ്രഹം ശെമ്മാശനെ വേദനിപ്പിച്ചു. തനിക്ക് ഒരിക്കലും നരഭോജികളുടെ മൂപ്പനായി ഗുഹാവാസിയായി കഴിയാനാവില്ലെന്നും തൻറെ മാതാവിനേയും മാര്‍ ആബോ പിതാവിനേയും കാണുവാൻ അതിയായ ആഗ്രഹമുണ്ടെന്നും മൂപ്പനെ ശെമ്മാശൻ ധരിപ്പിച്ചു. ഇതു മനസ്സിലാക്കിയ ഗുഹാവാസികള്‍ ശെമ്മാശനു കാവല്‍ ഏര്‍പ്പെടുത്തി. ഏറെ നാള്‍ കഴിഞ്ഞിട്ടും മനഃമാറ്റം സംഭവിക്കാത്തതിനാല്‍ മൂപ്പൻ ശെമ്മാശന് തിരികെ പോകുവാൻ മൗന അനുവാദം നല്‍കി. എന്നാല്‍ ശെമ്മാശനുവേണ്ടി ഗുഹാവാസികളുടെ നിയമം ലംഘിക്കപ്പെടുവാൻ മൂപ്പനു പ്രയാസമായതിനാല്‍ ഗുഹയില്‍ നിന്നു പഠിച്ചതൊന്നും പുറം ലോകത്തെ പഠിപ്പിക്കില്ല എന്ന് സത്യം ചെയ്യിച്ച്, രാത്രിയാമത്തില്‍ കാവല്‍ക്കാരെ ഉറക്കി രക്ഷപ്പെട്ടുകൊള്ളുവാൻ മൂപ്പൻ ശെമ്മാശനെ ഉപദേശിച്ചു. മൂപ്പനില്‍ നിന്ന് പഠിച്ച വിദ്യ പ്രയോഗിച്ച് കാവല്‍ക്കാരെ ഉറക്കി ശെമ്മാശൻ ഗുഹയില്‍ നിന്നും രക്ഷപ്പെട്ട് കടമറ്റം പള്ളിയെ ലക്ഷ്യമാക്കി യാത്ര തിരിച്ചു. ശെമ്മാശൻ രക്ഷപ്പെട്ടു എന്നു മനസ്സിലാക്കിയ ഗുഹാവാസികള്‍ അദ്ദേഹത്തെ പിടിച്ചു കൊണ്ടുപോകുവാനായി പുറകെ എത്തി. പുലരാറായപ്പോള്‍ പൂട്ടിക്കിടന്ന പള്ളിയുടെ മുന്നില്‍ എത്തിയ ശെമ്മാശൻ പരിശുദ്ധ കന്യക മറിയം അമ്മയെ വിളിച്ചു പ്രാര്‍ത്ഥിച്ചപ്പോള്‍ പൂട്ടിക്കിടന്ന വാതില്‍ താനെ തുറക്കുകയും ശെമ്മാശൻ പളളിയകത്തു പ്രവേശിക്കുകയും ചെയ്തു. ശെമ്മാശനെ തിരികെ കൊണ്ടു പോകുവാൻ സാധിക്കാത്തതില്‍ കോപിഷ്ടരായ ഗുഹാവാസികള്‍ കൈയ്യില്‍ കരുതിയിരുന്ന ഇരുമ്പ് ചങ്ങല കൊണ്ട് പള്ളിയുടെ ഭിത്തിയില്‍ ആഞ്ഞടിച്ചു. നേരം പുലര്‍ന്നു തുടങ്ങിയതിനാലും ശെമ്മാശൻ പള്ളിയകത്ത് ആയതിനാലും ഗുഹാവാസികള്‍ നിരാശരായി തിരികെ പോയി.
സ്വന്തം മകനെപോലെ സ്നേഹിച്ചുവളര്‍ത്തിയ ശെമ്മാശനെ തിരികെ ലഭിച്ചതില്‍ അതീവ സന്തുഷ്ടനായ മാര്‍ ആബോ പിതാവ് ശെമ്മാശന് അച്ചൻപട്ടം നല്‍കി കടമറ്റത്തിൻറെ പൂര്‍ണ്ണ ചുമതലയേല്‍പ്പിച്ചു. ക്രിസ്തുമതം അറിയിക്കുകയാണ് തൻറെ ലക്ഷ്യമെന്നും ആയതിനാല്‍ കടമറ്റത്തുനിന്നും യാത്രയാവുകയാണെന്നും പിതാവ് പൗലോസ് അച്ചനെ അറിയിച്ചു. പിതാവിനെ പിരിയുന്നതില്‍ അതീവ ദുഃഖിതനായ പൗലോസ് അച്ചൻ പിതാവിൻറെ യാത്രയെ നിരുല്‍സാഹപ്പെടുത്തി. പൗലോസച്ചൻറെ ദുഃഖം മനസ്സിലാക്കിയ മാര്‍ ആബോ പിതാവ് തൻറെ കൈയ്യില്‍ അണിഞ്ഞിരുന്ന മുദ്രമോതിരം പൗലോസച്ചൻറെ കൈയ്യില്‍ ഇട്ടുകൊടുത്തു. ഈ മോതിരം ഊരിവീഴുന്ന നിമിഷം താൻ കാലം ചെയ്തുവെന്നും, മോതിരം തിരികെ എടുത്തണിഞ്ഞ് എന്നെ അന്വേഷിച്ചിറങ്ങിയാല്‍ എൻറെ അടുക്കല്‍ എത്തിച്ചേരുവാൻ കഴിയും എന്ന വരവും പൗലോസച്ചന് നല്‍കി മാര്‍ ആബോ പിതാവ് കടമറ്റത്തുനിന്നും യാത്രയായി.
ക്രിസ്തുമതം അറിയിക്കുന്നതിനായി കടമറ്റത്തുനിന്നും യാത്ര തിരിച്ച മാര്‍ ആബോ പിതാവ് കൊല്ലം തേവലക്കരയില്‍ എത്തിച്ചേര്‍ന്നു. അവിടെ ഒരു ഹൈന്ദവ കുടുംബത്തില്‍ താമസിച്ച് ആ കുടുംബാംഗങ്ങളെ നേത്രവൈദ്യം അഭ്യസിപ്പിച്ചു. ആ കുടുംബവും ദേശവാസികളും ക്രിസ്തുമതം സ്വീകരിക്കുകയും അവിടെ പരിശുദ്ധ കന്യകമറിയാമിൻറെ നാമധേയത്തില്‍ ഒരു പള്ളി പണിയുകയും ചെയ്തു. ആ പള്ളിയാണ് തേവലക്കര വി.മര്‍ത്തമറിയം ഒാര്‍ത്തഡോക്സ് പള്ളിയെന്നറിയപ്പെടുന്നത്. മാര്‍ ആബോ പിതാവില്‍ നിന്ന് നേത്രവൈദ്യം പഠിച്ച കുടുംബമാണ് പ്രശസ്തരായ തേവലക്കര കണ്ണുവൈദ്യര്‍.
പൗലോസച്ചൻ ധരിച്ചിരുന്ന മുദ്രമോതിരം ഒരു ദിവസം ഊരി വീഴുകയും അതിൻറെ പൊരുള്‍ മനസ്സിലാക്കിയ അച്ചൻ തൻറെ ഗുരുവിനെ അന്വേഷിച്ച് യാത്ര തിരിച്ചു. അനേകദൂരം യാത്രചെയ്ത് പൗലോസച്ചൻ തേവലക്കര വി.മര്‍ത്തമറിയം പള്ളിയുടെ മദ്ബഹായുടെ വടക്കു പടിഞ്ഞാറ് വശത്തെ മാര്‍ ആബോ പിതാവിൻറെ കബറിടത്തില്‍ എത്തിച്ചേര്‍ന്നു. തൻറെ ഗുരുവിൻറെ ഭൗതിക ശരീരം ഒരു നോക്കുകാണുവാൻ സാധിക്കാത്തതില്‍ അതീവ ദുഃഖിതനായ പൗലോസച്ചൻ ഗുരുവിൻറെ കബറിടത്തില്‍ മുട്ടുകുത്തി പ്രാര്‍ത്ഥിച്ചപ്പോള്‍ കബറില്‍നിന്ന് ഗുരുവിൻറെ വലതുകരം വേര്‍പ്പെട്ട് ഉയര്‍ന്നുവന്നു. ഗുരു തൻറെ സാമീപ്യം മനസ്സിലാക്കിയതില്‍ സന്തുഷ്ടനായ പൗലോസച്ചൻ ഉയര്‍ന്നുവന്ന ഗുരുവിൻറെ വലതുകരം ഭക്തിയാദരവോടുകൂടി കടമറ്റത്തുകൊണ്ടുവന്ന് വലിയ പള്ളിയുടെ മദ്ബഹായുടെ തെക്കേ ഭിത്തിയില്‍ അടക്കം ചെയ്യുകയും അവിടെ പേര്‍ഷ്യൻ കുരിശ് സ്ഥാപിക്കുകയും ചെയ്തു.
പൗലോസച്ചൻ തൻറെ ഗുരു ആയ ആബോ പിതാവില്‍ നിന്നും പഠിച്ച ദൈവീക സിദ്ധികളും ഗുഹാമൂപ്പനില്‍ നിന്നു പഠിച്ച വിദ്യകളും ഉപയോഗിച്ച് സമൂഹനന്മയ്ക്ക് എതിരെ നിലകൊണ്ടിരുന്ന പൈശാചിക ശക്തികളെ ഉന്മൂലനം ചെയ്ത അത്ഭുത സംഭവങ്ങള്‍ വിവരിച്ചാല്‍ ഒടുങ്ങാത്തവയാണ്. പൗലോസച്ചൻ കടമറ്റത്ത് കത്തനാര്‍ എന്ന പേരിലും അറിയപ്പെട്ടിരുന്നു. ആശ്രയമറ്റവര്‍ക്ക് ആശ്രയമാകുന്നിടമാണ് കടമറ്റം പള്ളി. "കടമറ്റം സമ്പ്രദായം" എന്ന പേരില്‍ ഒരു വഴിപാടും നിലനിന്നു പോരുന്നു. കടമറ്റത്തു കത്തനാരായ പൗലോസച്ചൻറെ ഭൗതീക ശരീരം കടമറ്റം വലിയ പള്ളിയുടെ ഉള്ളില്‍ വടക്കുവശത്ത് കബറടക്കിയിരിക്കുന്നു. മാര്‍ ആബോ പിതാവിനാല്‍ പരിശുദ്ധ കന്യകമറിയാം അമ്മയുടെ നാമധേയത്തില്‍ സ്ഥാപിതമായ കടമറ്റം പള്ളി പിന്നീട് വിശുദ്ധ ഗീവറുഗീസ് സഹദായുടെ നാമധേയത്തിലായി മാറ്റപ്പെട്ടു. കടമറ്റത്ത് കത്തനാരായി തീര്‍ന്ന പൗലോസച്ചൻ ജനിച്ചു വളര്‍ന്ന വീട് സ്ഥിതി ചെയ്തിരുന്നിടത്ത് പിന്നീട് പണികഴിപ്പിച്ച പള്ളിയാണ് പോയേടം പള്ളി. വലിയ പളളിയിൽ നിന്ന് 150 മീറ്റർ ദൂരെ മാറി വടക്ക് കിഴക്ക് ദിശയിലാണ് പോയേടം പള്ളി സ്ഥിതി ചെയ്യുന്നത്. പോയേടം പള്ളിയോട് ചേർന്ന് വടക്കു ഭാഗത്തായി 'പോയേടം കിണറും' സ്ഥിതി ചെയ്യുന്നു.
History of Kadamattom Church
To spread Christianity, in the 4th century AD, a father with the rank of Metropolitan named Mar Abo came to India from Nineveh (Persia), Iraq. Although he traveled to many lands to spread the Christian faith, he could not do much due to the rigidity of the caste and religious systems of that time. One evening on his travels, he arrived in the land of Kadamattom. Exhausted from the long journey, the father entered the humble hut of an old widow to satisfy his hunger and spend the night. In that hut, there were only the mother and her son. Although they lovingly welcomed the father, who had different attire and language, the mother and son, who had been starving for days, could not offer anything to Mar Abo. Understanding the situation, the father asked the old woman to light a fire and put water on for porridge. When the water boiled, Mar Abo took a single grain of rice from the empty rice basket, prayed, and put it in the pot. In moments, the pot was boiling over with rice. The mother and son, who ate to their heart's content, realized that a divine person had arrived in their hut.
At that time, the only daughter of the local ruler, the 'Aayakkunnathu Kartha,' was suffering from severe mental distress due to demonic possession and was bound in chains. The treatments of doctors and sorcerers had no effect. The old widow, realizing that a divine person had come to her hut, spoke to Mar Abo about her master's daughter's illness. The next morning, she took the father to the ruler, the Aayakkunnathu Kartha. Through the power of Mar Abo's prayers, the ruler's daughter's mental distress was completely healed, and the ruler and his family converted to Christianity. The satisfied ruler, understanding Mar Abo's wish, built a church in the name of the Holy Virgin Mary and gave it as a gift. This is the Kadamattom Valiya Pally (Great Church) established by Mar Abo. Many who realized that many miracles were happening through the father's prayers converted to Christianity. The ruler gave the father a wealth of cattle and the widow's son as an assistant. The widow's son converted to Christianity and became a deacon named Paulose.
One day, while Deacon Paulose was in the forest grazing cows, he was captured by cannibalistic cave dwellers in the deep forest. It was customary for the cave dwellers to kill, share, and eat anything caught from the forest with the permission of the forest chief. Realizing that the cave dwellers would kill him, the deacon prayed earnestly to God. The chief, feeling compassionate, did not allow the deacon to be killed and accepted him as one of them. Realizing that the deacon was trustworthy and honest, the chief wished to make him his heir. The deacon learned all the magic, sorcery, and high sorcery from the chief, which one needed to know to become the chief of the cave dwellers. The chief's desire to marry his daughter to the deacon and make him his heir pained the deacon. The deacon informed the chief that he could never live as a cannibal chief in a cave and that he had a strong desire to see his mother and Mar Abo. Understanding this, the cave dwellers placed the deacon under guard. After a long time, as there was no change of heart, the chief gave silent permission for the deacon to return. However, since it was difficult for the chief to break the laws of the cave dwellers for the deacon's sake, he made the deacon swear that he would not teach anything he learned from the cave to the outside world, and advised him to escape in the dead of night by putting the guards to sleep. The deacon used the magic he learned from the chief to put the guards to sleep, escaped from the cave, and traveled towards Kadamattom Church. The cave dwellers, realizing the deacon had escaped, chased after him to capture him. As dawn approached, the deacon reached the front of the locked church and prayed to the Holy Virgin Mary. The locked door opened on its own, and the deacon entered the church. The cave dwellers, enraged that they could not take the deacon back, struck the church wall with the iron chain they were carrying. As day began to break and the deacon was inside the church, the cave dwellers returned in disappointment.
Mar Abo, who was overjoyed to have the deacon, whom he loved and raised as his own son, back, ordained him as a priest and gave him full charge of Kadamattom. The father informed Father Paulose that his mission was to preach Christianity and therefore he was leaving Kadamattom. Father Paulose, who was deeply saddened to be separated from the father, discouraged his journey. Mar Abo, understanding Father Paulose's sorrow, put his signet ring on Father Paulose's hand. He gave Father Paulose a boon, saying, "The moment this ring falls off, I will have passed away, and if you take the ring back and set out in search of me, you will be able to reach me," and then Mar Abo departed from Kadamattom.
Mar Abo, who set out from Kadamattom to preach Christianity, reached Thevalakkara in Kollam. There he stayed with a Hindu family and taught them ophthalmology. That family and the local people converted to Christianity, and a church was built there in the name of the Holy Virgin Mary. That church is known as the Thevalakkara St. Mary's Orthodox Church. The family that learned ophthalmology from Mar Abo is the famous Thevalakkara eye doctors.
One day, the signet ring worn by Father Paulose fell off, and understanding its meaning, the priest set out in search of his master. Traveling a long distance, Father Paulose reached the tomb of Mar Abo on the northwest side of the Madbaha of Thevalakkara St. Mary's Church. Deeply saddened that he could not see his master's mortal body, Father Paulose knelt at his master's tomb and prayed. The master's right hand separated from the tomb and rose up. Father Paulose, happy that his master had acknowledged his presence, brought the raised right hand of his master back to Kadamattom with reverence, interred it in the south wall of the Valiya Pally's Madbaha, and established a Persian Cross there.
The miraculous events of Father Paulose, using the divine powers learned from his master Mar Abo and the skills learned from the cave chief to eradicate the demonic forces that stood against the good of society, are endless. Father Paulose was also known as the Kadamattathu Kathanar. Kadamattom Church is a refuge for the destitute. A special offering known as the "Kadamattom Sampradayam" (Kadamattom Tradition) also continues. The mortal remains of Kadamattathu Kathanar (Father Paulose) are interred inside the Kadamattom Valiya Pally on the north side. Kadamattom Church, founded by Mar Abo in the name of the Holy Virgin Mary, was later rededicated in the name of St. George, the Martyr. The church built later on the site where Father Paulose (who became Kadamattathu Kathanar) was born and raised is the Poyedam Pally. The Poyedam Pally is located 150 meters northeast of the Valiya Pally. Adjacent to the Poyedam Pally on the north side is the 'Poyedam Kinar' (Poyedam Well).